BE RU EN

Вядомы прыхільнік Трампа запатрабаваў спыніць перамовы з РФ

  • 16.11.2026, 8:08

У адказ на патрабаванні Крэмля.

Вядучы амерыканскага кансерватыўнага тэлеканала Fox News Браян Кілмід, даўні і паслядоўны прыхільнік прэзідэнта ЗША Дональда Трампа, заклікаў Вашынгтон згарнуць перамовы з Расіяй, калі Крэмль сапраўды патрабуе вяртання НАТА да межаў 1997 года. Сваю пазіцыю ён выклаў у сацсетцы X, пракаментаваўшы публікацыю The Washington Post на гэтую тэму. «Калі гэта жорсткія патрабаванні Расіі, перамовы варта спыніць», — напісаў журналіст.

Кілмід вядомы лаяльнасцю да Трампа: на працягу многіх гадоў ён прасоўвае кансерватыўныя погляды і станоўча ацэньвае ўнутраную палітыку і эканамічныя рашэнні цяперашняга кіраўніка ЗША. Пры гэтым у ўкраінскім пытанні ён стабільна трымаецца праўкраінскай пазіцыі ў духу традыцыйнага кансерватызму: падкрэслівае, што Расія з’яўляецца агрэсарам і што Украіна не павінна прайграць вайну.

Нагадаем, паводле The Washington Post, на мірных перамовах па Украіне, што адбыліся на гэтым тыдні, Крэмль вярнуўся да жорсткіх ультыматумаў у адрас НАТА і ЗША, якія ён вылучаў перад поўнамаштабным уварваннем у 2022 годзе.

Апошнія навіны