З’явіліся падрабязнасці разгрома расіян пад Добрапіллем
- 16.11.2026, 8:48
У акупантаў вялікія страты.
Пра новыя падрабязнасці разгрома расійскіх падраздзяленняў пад Добрапіллем падчас іх няўдалай спробы наступу паведаміў камандзір 1-га асобнага штурмавога палка Узброеных Сіл Украіны Дзмітрый Філатаў з пазыўным «Перун». Пра гэта ён расказаў у відэа, апублікаваным прэс-службай палка ў Facebook.
Па яго словах, байцы 1-га АШП пры падтрымцы 2-га АШП з дапамогай беспілотнікаў Darts знішчылі 7 аўтамабіляў і 3 квадрацыклы праціўніка, а таксама паразілі не менш як 30 расійскіх вайскоўцаў. Камандзір патлумачыў, што ўдары па пяхоце не былі зафіксаваныя сродкамі аб’ектыўнага кантролю, таму страты ворага можна кваліфікаваць як «300-я», то бок параненыя. Аднак на відэа, па яго словах, бачныя прамыя траплянні. «Мы білі вельмі магутным боепрыпасам. Асноўная маса — „200-я“», — адзначыў Філатаў.
На гэтым поспехі палка не скончыліся. Сумесна з байцамі «Азоў» і групай «Альфа» СБУ 1-ы АШП правёў двухдзённую мультыдаменную аперацыю па знішчэнні сістэм РЭБ і РЛС у Данецку і яго аколіцах. Паводле «Перуна», полк адыграў адну з ключавых роляў у забеспячэнні «калідора»: у акупантаў узніклі праблемы ў тыле, і цяпер магчымыя ўдары ў глыбіню.
Нагадаем, што Сілы абароны разгармілі расійскія войскі падчас спробы наступу пад Добрапіллем (у раёне Дружкіўкі і Кучэравага Яра), пра гэта стала вядома 14 лістапада.