BE RU EN

Рэальны горад натхніў стваральнікаў самай чаканай гульні года

  • 18.11.2026, 16:07

Маямі ператварыўся ў дэкарацыі GTA-IV.

Маямі стаў галоўным прататыпам Вайс-Сіці — выдуманага мегаполіса, у якім разгортваюцца падзеі «Grand Theft Auto VI». Распрацоўшчыкі Rockstar Games перанеслі ў гульню не толькі пазнавальныя хмарачосы, пальмавыя вуліцы і неонавыя шыльды, але і рэальныя раёны горада, начныя клубы, Фларыда-Кіс і забалочаныя тэрыторыі Эверглейдс. Выхад новай часткі культовай серыі запланаваны на 19 лістапада, піша The New York Times (пераклад — сайт Charter97.org).

Стваральнікі гульні асабіста прыязджалі ў горад і нават ездзілі з паліцыянтамі, вывучаючы мясцовыя вуліцы, гоначныя трасы і начное жыццё. Гэта ўжо другі раз, калі Маямі натхняе распрацоўшчыкаў GTA, папярэдняя гульня пад назвай «Vice City» выйшла ў 2002 годзе.

У віртуальным горадзе можна распазнаць Паўднёвы пляж з яго рознакаляровымі будынкамі ў стылі арт-дэко, раён Уінвуд, вядомы вулічнымі графіці, і Маленькую Гаванну з кубінскімі кавярнямі. Гістарычны раён Овертаўн, які сёння мяняецца пад уплывам новай забудовы, таксама стаў крыніцай натхнення.

Геаграфія гульні выходзіць далёка за межы мегаполіса. Фларыда-Кіс ператварыліся ў Леаніда-Кіс — ланцуг трапічных астравоў з рыбацкімі прыстанямі, рэстаранамі морапрадуктаў і знакамітай прыбярэжнай трасай. Эверглейдс атрымалі назву Грасрыверс, там гульцы ўбачаць балоты, алігатараў і зараснікі мангравых дрэў.

Галоўныя героі гульні — злачынная пара Джэйсан Дзюваль і Лусія Камінас, чыё няўдала распачатае рабаўніцтва ўцягвае іх у небяспечныя прыгоды.

Апошнія навіны