Відэафакт: Магія прыроды ў небе над Беларуссю
- 18.11.2026, 18:29
Адназначна патлумачыць гэтую з'яву навукоўцы пакуль не змаглі.
Незвычайныя кадры, знятыя ў Беларусі, апублікавала адна з карыстальніц сацсеткі Threads. На іх — тысячы птушак, якія быццам танчаць у паветры.
«Другі раз у жыцці назіраю такі цуд, — піша яна. — Кажуць, што гэта птушынае вяселле, а што думаеце вы? Што гэта за цуд прыроды?»
Што такое мурмурацыя
Карыстальнікі расказалі, як называецца гэтая з'ява, але падкрэслілі, што адназначнага тлумачэння ёй няма.
«Гэта мурмурацыя — дзівосная з'ява прыроды, калі тысячы птушак рухаюцца ў небе як адзін жывы арганізм, утвараючы неверагодныя фігуры. Кожная птушка арыентуецца на рухі суседзяў, і ўвесь рой нібыта танчыць у паветры. Сапраўдная магія прыроды!» — напісаў адзін з каментатараў.
«Дакладнага тлумачэння гэтаму няма. Паводле адной з версій, птушкі так абараняюцца ад драпежнікаў: у велізарнай зграі складаней выбраць асобную птушку. Паводле іншай — абменьваюцца інфармацыяй пра месцы начлегу», — напісаў іншы карыстальнік сацсеткі.