BE RU EN

NYT: Трамп расчараваўся ў Вэнсе

  • 18.11.2026, 21:32

Адносіны пагоршыліся з-за крытыкі вынікаў вайны з Іранам з боку віцэ-прэзідэнта.

Адносіны паміж прэзідэнтам Дональдам Трампам і яго віцэ-прэзідэнтам Джэем Дзі Вэнсам пагаршаюцца — прычынай нарастаючага напружання стала крытыка з боку Вэнса вынікаў вайны з Іранам, піша The New York Times.

Разнагалоссі ўзніклі пасля таго, як Вэнс апублікаваў у сацыяльных сетках падрабязны аналіз вынікаў прамежкавых выбараў. У сваёй заяве віцэ-прэзідэнт усклаў адказнасць за паразу рэспубліканцаў на працяг ваеннага канфлікту з Іранам, а таксама раскрытыкаваў агульную рыторыку адміністрацыі ў перадвыбарчы перыяд. «Прычына нашай паразы — вайна», — напісаў ён.

Як адзначае выданне, спачатку Трамп нібыта спакойна ўспрыняў крытыку Вэнса, з часам яго стаўленне пачало змяняцца. Прэзідэнт скардзіўся на Вэнса свайму атачэнню. Паводле звестак крыніц выдання, Трамп лічыць, што віцэ-прэзідэнт павінен быў назваць правільным яго рашэнне аб бамбардзіроўках Ірана.

Раней адзін з суразмоўцаў CNN, які займаецца зборам сродкаў для Трампа, сказаў, што пост Вэнса ў сацсетцы X, дзе ён назваў прычыну паразы рэспубліканцаў, у палітычных колах расцанілі як сігнал пра яго намер удзельнічаць у прэзідэнцкай гонцы.

Апошнія навіны