BE RU EN

У Мінску знеслі легендарную «Белую крэпасць»

  • 20.11.2026, 22:26

Яна супрацьстаяла волі забудоўшчыка больш за дзесяць гадоў.

Легендарная «Белая крэпасць» сышла ў нябыт. Тая, што супрацьстаяла волі забудоўшчыка больш за дзесяць гадоў, была знесеная ўсяго за адзін дзень. Цяпер у двары жылога комплексу «Аркадыя» зее дзірка. Але гэта ненадоўга. Лёс участка ўжо вызначаны, перадае «Онлайнер».

У УКСе Савецкага раёна, які і даводзіў ЖК да ладу пасля таго, як «арыгінальны» забудоўшчык нарабіў страшных спраў, паведамілі, што сітуацыя пад кантролем. «Правалу» у двары не будзе.

Фото: onliner

«На вызваленым зямельным участку прадпрыемства ў адпаведнасці з указам Лукашэнкі ад 6 лістапада 2018 года «Аб завяршэнні будаўніцтва жылых дамоў» завершыць будаўніцтва аб’екта «Шматпавярховыя жылыя дамы непавышанай камфортнасці са ўбудавана-прыбудаванымі памяшканнямі і падземнай двухузроўневай аўтастаянкай»», — запэўнілі ў УКСе.

Усе дамы ў ЖК даўно гатовыя, а гэта значыць, што забудоўшчыку застанецца толькі дабудаваць злашчасны паркінг. Яго зачаткі якраз добра бачны на архіўных фота.

Фото: onliner

Жыхары квартала нарэшце ўздыхнуць з палёгкай. А вось былы ўладальнік катэджа ўсё яшчэ працягвае змагацца за дастойную, на яго думку, кампенсацыю.

Апошнія навіны