BE RU EN

Daily Mail: Пуцін жэстамі нагадваў «нервовага піяніста»

  • 20.11.2026, 23:17

Экспертка па мове цела апісала паводзіны дыктатара РФ падчас сустрэчы з Сі і Трампам.

Падчас сустрэчы прэзідэнта ЗША Дональда Трампа, лідара Кітая Сі Цзіньпіна і дыктатара Расіі Уладзіміра Пуціна на саміце Азіяцка-Ціхаакіянскага эканамічнага супрацоўніцтва (АТЭС) у кітайскім Шэньчжэне ўвагу журналістаў прыцягнулі дзіўныя паводзіны апошняга.

Рэдакцыя таблоіда Daily Mail пагутарыла з эксперткай па мове цела Джудзі Джэймс, каб высветліць прычыны нервовасці Пуціна, якая кантраставала з неўзрушнасцю Трампа і кіраўніка КНР.

Джэймс расказала Daily Mail, што ў той час як Трамп прыняў сваю фірмовую паставу «цяжкавагавіка і альфа-самца», Пуцін жэстамі нагадваў «нервовага піяніста» і, здавалася, ніяк не мог уседзець на адным месцы.

Апісваючы паводзіны Пуціна за сталом з Трампам і Сі Цзіньпінам, яна адзначыла, што нелегітымны расійскі прэзідэнт «нерваваўся і мітусіўся, гуляючыся са сваімі нататкамі», пакуль кіраўнік КНР гаварыў.

Джэймс зазначыла, што Пуцін выглядаў як чалавек з сіндромам неспакойных ног, бо пастаянна падтаптваў імі пад сталом. Калі слова ўзяў Трамп, Пуцін схапіўся за падлакотнікі крэсла, цягнуў і часаў свой пінжак.

Апошнія навіны