У Маскве будаўнік у знак пратэсту распораў сабе жывот
- 21.11.2026, 4:51
Мужчыне не выплацілі заробак.
У Маскве будаўнік распораў сабе жывот, бо застаўся без заробку, а потым збіраўся ўзлезці на будаўнічы кран з плакатам «Нас падманулі». Пра гэта паведамляе Baza.
Паводле дадзеных тэлеграм-канала, 38-гадовы мужчына прыехаў з Саратова разам з брыгадай з 20 чалавек для працы на будоўлі каля «Масква-Сіці». Па яго словах, працадаўца не выплаціў заробак усёй брыгадзе. Сітуацыя супала з днём нараджэння дачкі мужчыны, якой ён хацеў набыць падарунак.
У публікацыі гаворыцца, што ў знак пратэсту будаўнік нанёс сабе глыбокія парэзы на жываце і руках на вачах у мінакоў на Тушынскай вуліцы. Мужчыну шпіталізавалі, аднак ён уцёк з бальніцы, каб дамагацца выплаты грошай ад працадаўцы. Пасля гэтага будаўнік вярнуўся на тэрыторыю будоўлі і збіраўся ўзлезці на кран з плакатам.
«Нас выганяюць з хостэла, грошай няма. Што нам рабіць?», — кажа мужчына.
Baza сцвярджае, што паліцыянты, якія прыбылі на месца здарэння, ўгаварылі яго адмовіцца ад акцыі. Спачатку мужчына супраціўляўся і не хацеў сядаць у службовы аўтамабіль, але потым супакоіўся і папрасіў, каб яго раны агледзелі медыкі.