На таргах у Гомелі разгарэлася сапраўдная бітва за месца пад кававы аўтамат у паліклініцы
- 21.11.2026, 21:32
Цана вырасла ў 1500 разоў.
У Гомелі за права арандаваць чатыры «квадраты» ў паліклініцы заплацілі амаль 30 тысяч рублёў — з пачатку таргоў цана вырасла прыкладна ў 1500 разоў. На гэтым месцы пераможца аўкцыёну зможа ўсталяваць кававы аўтамат, паведамляе «Зеркало».
На таргі выставілі невялікі ўчастак каля выхаду з Гомельскай гарадской клінічнай паліклінікі № . Права заключыць дагавор арэнды на тры гады вырашылі атрымаць адразу восем удзельнікаў.
У выніку за 44 хвіліны таргоў яны зрабілі 14 90 ставак — у сярэднім каля 340 за хвіліну, а кошт права арэнды вырас з 20 да амаль 30 тысяч рублёў. Пры гэтым гаворка ідзе не пра куплю саміх чатырох квадратных метраў, а пра права арандаваць іх для размяшчэння аўтамата па продажы гарачых напояў.
Наведвальнікі паліклінікі ідэю ацанілі станоўча.
«Гэта вельмі добрая справа. Людзі прыходзяць здалёк. Вось я, напрыклад, з дачы прыехала. Я б з задавальненнем цяпер кубачак кавы выпіла», — расказала адна з пацыентак.
На Беларускай універсальнай таварнай біржы адзначылі, што такі рост цаны, нягледзячы на ўражлівыя лічбы, не рэкордны — тры гады таму на таргах за права арэнды двух квадратных метраў у гарадской бальніцы № кошт лота вырас больш чым у 1600 разоў.