BE RU EN

У Краснадары паражана Галоўнае ўпраўленне Расгвардыі

  • 22.11.2026, 8:45

Мясцовыя жыхары паведамляюць пра пах гару.

У выніку атакі БПЛА ЗСУ ў ноч на нядзелю, 22 лістапада, верагодна, было паражана Галоўнае ўпраўленне Расгвардыі па Краснадарскім краі ў Краснадары, паказаў OSINT-аналіз выдання Astra. Да такой высновы журналісты прыйшлі, прааналізаваўшы фатаграфіі чытача і відэазапіс, апублікаваныя маніторынгавым каналам Exilenova+.

Astra піша, што мясцовыя жыхары ў ноч на 22 лістапада паведамлялі пра пах гару і публікавалі фота задымленняў, а ў аэрапорце Краснадара ўводзіліся абмежаванні. На момант напісання навіны яны не былі знятыя і трымаюцца з вечара 21 лістапада. Мэрыя горада заявіла пра адбіццё беспілотнай атакі.

Пападанне па НПЗ афіцыйна не пацверджана

Шэраг мясцовых і ўкраінскіх Telegram-каналаў таксама паведамілі пра магчымую атаку на Афіпскі НПЗ, размешчаны ў Краснадарскім краі. Гэтая інфармацыя пакуль не была пацверджаная OSINT-аналітыкамі або афіцыйнымі асобамі.

Афіпскі НПЗ у апошні раз падвяргаўся атацы ЗСУ у ноч на 18 лістапада.

Апошнія навіны