«У якой цывілізаванай краіне ёсць цана на чалавечае жыццё?»

• 8.11.2026, 14:22

Крык душы расіянкі.

Мясцовая жыхарка РФ нечакана задумалася пра тое, чаму смерць яе суайчыннікаў ацэньваецца ў грашовых кампенсацыях.

Як паведамляе Цензор.НЕТ, расіянка абурылася тым, што яе дзяржава фактычна ўсталявала «прайс» на чалавечае жыццё і заклікала суайчыннікаў добра падумаць, перш чым нараджаць будучае папаўненне для пуцінскай арміі.

Жанчына абурылася тым, што ў РФ смерць чалавека ператвараецца ў чарговую суму грашовай кампенсацыі. Падобна, усведамленне таго, колькі насамрэч каштуе жыццё расіяніна для яго дзяржавы, пачало даходзіць і да саміх грамадзян краіны-агрэсара.

«У якой цывілізаванай краіне ёсць прайс на чалавечае жыццё, акрамя нашай? Перш чым вы нарадзіце дзіця, мільён разоў задумаецеся, для каго вы нараджаеце, дзе вы нараджаеце і што чакае вашага дзіцяці ў канцы», — заявіла расіянка на відэазапісе, распаўсюджаным у сетцы.