Пад Ваўчанскам ліквідаваны хірург і адміністратар Z-канала

• 8.11.2026, 16:32

Ён камандаваў медыцынскім узводам акупацыйнай арміі РФ.

На Ваўчанскім напрамку загінуў расійскі ваенны хірург Дмитрий Мещеряков, які некалькі гадоў працаваў у Германіі, у тым ліку ў вядомай берлінскай клініцы «Шарите», а пасля пачатку поўнамаштабнага ўварвання вярнуўся ў Расію ваяваць супраць Украіны.

Ён камандаваў медыцынскім узводам матастралковага батальёна і быў адным з адміністратараў праваеннага тэлеграм-канала «Терриконы Донбасса». Пра гібель паведамілі сам канал і РИА «Новости» са спасылкай на сябра Мещерякова. Незадоўга да гэтага РИА «Новости» паказвала Мещерякова як прыклад лекара, што памяняў Еўропу на фронт.

«Дзіма загінуў на пазіцыі, падчас выканання баявой задачы. На фронце загінуў адзін з нашых адмінаў, школьны сябар стваральніка Терриконов, рускі афіцэр, удзельнік баёў у Курскай вобласці з першага да апошняга дня. Лекар, ён некалькі гадоў працаваў у Германіі, у яго было ўсё, пра што мог бы марыць сярэдні абывацель.

Але з пачаткам вайны наш Доктар спачатку стаў дапамагаць нашай арміі грашыма, быў натхнёны асобай Владлена Татарского, таксама нашага адміна, а потым прыняў канчатковае рашэнне і вярнуўся ў Расію, з аэрапорта адразу пайшоўшы ў ваенкамат», — адзначана ў паведамленні.

Пасля пачатку вайны Мещеряков спачатку дапамагаў расійскай арміі грашыма. Ён ваяваў у Курскай вобласці, а затым выконваў задачы пад Ваўчанскам. Ён быў узнагароджаны медалём «За выратаванне тых, хто гінуў».

РИА «Новости» публікавала з ім відэаінтэрв'ю, у якім ён распавядаў, чаму вярнуўся з Германіі і пайшоў на вайну камандзірам медыцынскага ўзвода. Ролік сабраў больш за 850 тысяч праглядаў.