Падчас тэракту ў Кракаве загінула грамадзянка Аўстрыі

• 8.11.2026, 17:56

Жанчына стала адной з шасці ахвяр нападу.

Сярод шасці ахвяр тэракту ў Кракаве была 51-гадовая грамадзянка Аўстрыі. Пра гэта паведаміў малапольскі ваявода Кшыштаф Кленчар, піша Onet.pl.

Раней улады паведамлялі толькі, што адна з загінулых не была грамадзянкай Польшчы.

«Называючы грамадзянства шасці ахвяр, у адным выпадку я ўказаў, што гэта не грамадзянін Польшчы — з-за працэдур, якія працягваліся. Магу пацвердзіць, што 51-гадовая жанчына была грамадзянкай Аўстрыі. Акрамя яе, ахвярамі сталі 50-гадовы грамадзянін Польшчы, 32-гадовы грамадзянін Вялікабрытаніі, 53-гадовая грамадзянка Польшчы, а таксама грамадзянкі Польшчы 47 і 61 года», — заявіў на прэс-канферэнцыі Кшыштаф Кленчар.

У суботу, 7 лістапада, на цэнтральнай плошчы Рынак у Кракаве адбылася страляніна. Вадзіцель аўтамабіля ўехаў на галоўную плошчу горада і адкрыў агонь.

На дадзены момант вядома пра шэсць загінулых. Нападнік затрыманы.