У Беларусі пасажырскі цягнік сутыкнуўся з дзікай жывёлай

• 17.02.2026, 9:26

Ён ідзе з затрымкай.

Цягнік №605 Полацк — Брэст ідзе з затрымкай з-за начнога інцыдэнту, папярэдзіла Беларуская чыгунка.

Цягнік павінен быў прыбыць у Брэст раніцай каля 9:28, аднак спазніцца прыкладна на гадзіну, паведаміла прэс-служба.

Цягнік напярэдадні адправіўся з Полацка а 17:16.

«А 23 гадзіны 18 хвілін на перагоне Барсукі — Быхаў адбылося сутыкненне пасажырскага цягніка №605 Полацк — Брэст з дзікай жывёлай», — гаворыцца ў паведамленні БЧ.

Якая менавіта дзікая жывёла маецца на ўвазе, не ўдакладняецца.

Сярод пасажыраў пацярпелых няма, падкрэслілі ў БЧ.

Пасля інцыдэнту склад прастаяў на перагоне амаль гадзіну і ідзе з амаль гадзіннай затрымкай.