Лукашэнка схаваўся ад навін з Ірана ў кароўніку

• 28.02.2026, 21:44

Дыктатар пагражаў чыноўнікам.

Лукашэнка ў дзень атакі ЗША і Ізраіля на свайго даўняга саюзніка, рэжым аятолаў, накіраваўся ў малочнатаварны комплекс ААТ «Нестановічы-Агра» ў Лагойскім раёне. Дыктатар, хаваючыся ад навін з Ірана, 28 лютага ўзяўся за вілы. Кіраўнік разгрэб верхні пласт саломы за агароджай, дзе ўтрымліваюцца цяляты, і выявіў пад ім снег і лёд.

— Драць іх трэба як Сідараву казу. Што, снег нельга было прыбраць? — абурыўся Лукашэнка.

— Касякі свае ты ведаеш. Я нарадзіўся ў вёсцы, не ў Мінску, — заявіў правіцель у адрас кіраўніцы сельгаспрадпрыемства Анастасіі Кузьмінай.