Адкрыты ліст Трампа дыктатарам

• Васіль Верас, «Салідарнасць»
• 1.03.2026, 22:58

З аднаго слова.

Тыраны доўга трымаюцца пры ўладзе, але ўрэшце часта наступаюць на адны і тыя ж граблі.

Невялікі гістарычны экскурс. Аляксандр Лукашэнка называе сваімі настаўнікамі Саддама Хусейна і Муамара Кадафі.

Саддам кіраваў Іракам чвэрць стагоддзя. На пэўным этапе вырашыў, што яму дазволена ўсё. Называў ЗША «папяровым тыграм». Скончылася тым, што «тыгр» прыйшоў, і Саддам адправіўся на шыбеніцу.

Гэты ўрок не стаў навукай для Кадафі. Той дзесяцігоддзямі рабіў у Лівіі ўсё, што хацеў. Называў амерыканцаў баязліўцамі і пасылаў іх у пекла. У выніку адправіўся туды сам, таксама не без дапамогі ЗША.

Аднак паступова і гэта падзабылася. Вашынгтон паводзіў сябе сціплей, а дыктатары свету – усё эксцэнтрычней, нібы кажучы: «Ну і што, што вы нам зробіце?»

Дайшло да таго, што Мадура танцаваў на камеру, кпячы з Трампа.

Цяпер танцуе ў камеры.

Хаменеі насміхаўся з Трампа, заяўляючы, што той паспрабаваў паказаць сябе моцным праз «пустыя словы і дурныя дзеянні». Але аказалася, што ў дадзеным выпадку словы амерыканскага прэзідэнта былі зусім не пустыя.

Наступствы таго, што адбылося, дарэчы, могуць быць вельмі розныя. Цяпер з упэўненасцю можна казаць толькі пра адно. Арыштаваўшы Мадура і забіўшы Хаменеі, Трамп адправіў іншым дыктатарам адкрыты ліст з аднаго слова: «ДАВЫЁБВАЕЦЕСЯ».

Васіль Верас, «Салідарнасць»