Іран нанёс удары па пасольстве ЗША ў Кувейце і па амерыканскай базе ў Бахрэйне

• 2.03.2026, 9:05

Выбухі таксама прагрымелі ў Дубаі.

У Дубаі, а таксама ў сталіцах Катара і Бахрэйна — Досе і Манаме — раніцай 2 сакавіка прагрымелі выбухі, паведамляе AFP. Улады трох краін пакуль не каментавалі паведамленні пра новыя атакі з боку Ірана.

СМІ публікуюць фота і відэа густога дыму над, як сцвярджаецца, амерыканскай ваенна-марской базай у Бахрэйне. Al Arabiya перадае, што сістэмы СПА Бахрэйна перахапілі некалькі ракет і БПЛА над сталіцай.

Таксама Tasnim сцвярджае, што над пасольствам ЗША ў Кувейце падымаецца дым.

Афіцыйнага пацвярджэння наступстваў атак пакуль няма.