The Hockey News спрагназаваў, калі Ілля Пратас замацуецца ў НХЛ

• 2.03.2026, 22:59

Аўтарытэтнае меркаванне.

Аўтарытэтнае паўночнаамерыканскае выданне The Hockey News прадставіла топ-10 найлепшых праспектаў «Вашынгтон Кэпіталз».

Першае месца ў спісе заняў 19-гадовы беларускі нападнік Ілля Пратас.

Паводле The Hockey News, ён павінен замацавацца ў аснове «Вашынгтона» ў сезоне 2027/2028.

У бягучым сезоне АХЛ Ілля Пратас правёў 53 матчы, набраў 44 (22+22) ачкі, атрымаў 30 хвілін штрафу і мае каэфіцыент карыснасці «+9». На дадзены момант Пратас з'яўляецца лепшым снайперам і бамбардзірам «Хершы Беарс».

Заўважым, што ў мінулым сезоне Пратас-малодшы быў 6-м праспектам «Вашынгтона».

Сярод усіх праспектаў НХЛ Ілля Пратас займае 16-е месца.