ЗША ўжо патапілі 10 караблёў Ірана

• 2.03.2026, 23:03

Пра гэта заявіў Трамп падчас сваёй прамовы ў Белым доме.

Прэзідэнт ЗША Дональд Трамп дэталізаваў мэты Злучаных Штатаў у дачыненні да Ірана. У прыватнасці, гэта знішчэнне ракетнага патэнцыялу і флоту краіны, а таксама недапушчэнне таго, каб Тэгеран калі-небудзь атрымаў ядзерную зброю.

Пра гэта Трамп заявіў падчас цырымоніі ўручэння «Медаля Пашаны» ў Белым доме.

«Па-першае, мы знішчаем ракетны патэнцыял Ірана, і вы бачыце, што гэта адбываецца кожную гадзіну. А таксама іх здольнасць вырабляць зусім новыя і даволі добрыя ракеты. Па-другое, мы знішчаем іх флот. Мы ўжо падбілі 10 караблёў. Яны на дне мора», — сказаў амерыканскі прэзідэнт.

Ён адзначыў, што ЗША гарантуюць, што «галоўны спонсар тэрарызму ў свеце ніколі не зможа атрымаць ядзерную зброю».

«Я казаў гэта з самага пачатку. Яны ніколі не будуць мець ядзернай зброі. Яны былі на шляху да яе атрымання законным шляхам праз пагадненне, якое наша краіна безсэнсоўна падпісала», — заявіў Трамп.

Паводле яго слоў, Злучаныя Штаты таксама гарантуюць, што іранскі рэжым не зможа працягваць узбройваць, фінансаваць і кіраваць тэрарыстычнымі арміямі па-за сваімі межамі.

«Мы думалі, што ў нас ёсць дамаўленасць. Але потым яны адступілі, а потым вярнуліся, і мы думалі, што ў нас ёсць пагадненне, і яны зноў адступілі. Я сказаў, што вы не можаце мець справу з гэтымі людзьмі. Вы павінны дзейнічаць правільна», — дадаў кіраўнік Белага дома.