Беларусы выстраіліся ў гіганцкую чаргу

• 2.03.2026, 23:15

У абласным цэнтры заўважаны ажыятаж.

У Магілёве заўважана вялізарная чарга. На гэты раз такі ажыятаж выклікаў рыбны павільён.

Вядома, што людзі прыйшлі закупіцца рыбай з Камчаткі.

Журналісты Tochka.by вывучылі асартымент і цэны, а таксама бурную рэакцыю ў сацыяльных сетках.

Блогерка выклала ў TikTok допіс пра тое, як магілёўцы закупаюцца на рынку. Што цікава, і цэны немаленькія.

Напрыклад, рыба рознага вэнджання можа каштаваць амаль 100 беларускіх рублёў за 1 кг. Самы бюджэтны варыянт – скумбрыя, яе цана – 39 за 1 кг. А вось балык сімы – 85.

Філе сёмгі прадаецца па 97 за 1 кг, палтус – 98, нерка – 79, кальмар – 57.

Карыстальнікі пачалі актыўна каментаваць відэа.