Якое будзе надвор'е ў першыя дні красавіка

• 29.03.2026, 22:15

Падрабязны прагноз.

30 сакавіка 2026 года ў Беларусі чакаецца пераменная воблачнасць, пераважна без ападкаў. Уначы тэмпература складзе +1…+7°С, удзень паветра прагрэецца да +12…+18°С.

31 сакавіка краіну ахопіць уплыў фронтальнай сістэмы, звязанай з чарнаморскім цыклонам. Будзе пераважаць воблачнае надвор'е, на большай частцы тэрыторыі пройдуць дажджы, удзень у асобных раёнах паўднёвага ўсходу магчымыя навальніцы. Уначы тэмпература +2…+8°С, удзень +7…+14°С, месцамі да +17°С.

1 красавіка чакаецца воблачнае надвор'е з праясненнямі ўдзень. Дажджы пройдуць на большай частцы краіны, удзень магчымыя навальніцы ў паўднёва-ўсходніх раёнах. Тэмпература ўначы складзе ад 0°С на захадзе да +9°С на паўднёвым усходзе, удзень паветра прагрэецца да +8…+14°С, месцамі да +17°С.