Якую працу беларусы прагульваюць часцей за ўсё

• 29.03.2026, 21:23

У лідэрах — тры сферы.

За студзень 2026 года колькасць занятых у эканоміцы скарацілася да 4,1628 млн чалавек. Колькі з іх звольнілі не па ўласнай волі, паведамляе myfin.by.

Паводле звестак Белстата, у першы месяц года на працу было прынята 43 537 чалавек, звольнена — 44 320. З іх 2415 чалавек страцілі свае месцы за прагулы і іншыя парушэнні выканаўчай і працоўнай дысцыпліны.

Як высветлілася, ёсць віды дзейнасці, у якіх такія выпадкі далёка не адзінкавыя. На тры сферы прыходзіцца дзве траціны ад агульнай колькасці звольненых.

Вось дзе часта парушаюць:

сельская, лясная і рыбная гаспадарка — 596 чалавек

апрацоўчая прамысловасць — 538

аптовы і рознічны гандаль, рамонт аўтамабіляў і матацыклаў — 536

будаўніцтва — 255

забеспячэнне электраэнергіяй, газам, парай, гарачай вадой і кандыцыянаваным паветрам — 130

транспартная дзейнасць, складзіраванне, паштовая і кур’ерская дзейнасць — 82

ахова здароўя і сацыяльныя паслугі — 81

адміністрацыйныя і дапаможныя паслугі — 61.