СМІ анансавалі новы раўнд перамоваў Украіны, ЗША і Расіі

• 7.03.2026, 22:58

Ён можа пачацца на наступным тыдні.

Новая сустрэча перамоўнай групы ў трохбаковым фармаце Украіна–ЗША–Расія можа адбыцца на наступным тыдні, паведаміла «Украінская праўда» са спасылкай на крыніцу, набліжаную да ўкраінскай дэлегацыі.

Перамовы павінны былі адбыцца 5 сакавіка ў Абу-Дабі, аднак з-за сітуацыі ў Іране іх перанеслі. Цяпер месца сустрэчы яшчэ вызначаюць, як варыянты разглядаюць Стамбул або Жэневу.

7 сакавіка спікерка Белага дома Кэролайн Левітт заявіла, што прэзідэнт ЗША Дональд Трамп працягвае лічыць дасягальным завяршэнне вайны Расіі супраць Украіны.