Зяленскі адказаў на прапанову Пуціна аб «вялікодным перамір'і»

• 10.04.2026, 7:50

Кіеў гатовы да сіметрычных крокаў.

Прэзідэнт Украіны Уладзімір Зяленскі адрэагаваў на заяву расійскага дыктатара Уладзіміра Пуціна аб «вялікодным перамір'і». Паводле яго слоў, Кіеў гатовы да сіметрычных крокаў.

«Мы прапаноўвалі ў гэтым годзе прыпыненне агню на час Вялікодных святаў і будзем дзейнічаць адпаведна. Людзям патрэбны Вялікдзень без пагроз і рэальны рух да міру, і ў Расіі ёсць шанец не вяртацца да ўдараў і пасля Вялікадня», — напісаў прэзідэнт у сваім Telegram у ноч на пятніцу, 10 красавіка.

Раней расійскія прапагандысцкія агенцтвы ТАСС і РІА Навіны са спасылкай на Крамль паведамілі, што Пуцін абвясціў «вялікоднае перамір'е» з 16:00 11 красавіка да канца дня 12 красавіка.