Аэрапорт у Вільнюсе прыпыняў працу з-за метэаразондаў з Беларусі

• 10.04.2026, 8:52

У восьмы раз з пачатку года.

Вільнюскі аэрапорт чарговы раз прыпыніў прыём і адпраўку рэйсаў з-за гібрыднай атакі з выкарыстаннем метэаразондаў. Як паведамляецца на афіцыйнай старонцы авіявузла ў «Фэйсбуку», абмежаванні на палёты дзейнічалі ў ноч з 9 на 10 красавіка — з 22:30 да 05:15.

Прычынай закрыцця неба сталі зафіксаваныя радарамі «навігацыйныя адзнакі», якія па сваіх характарыстыках адпавядаюць паветраным шарам. Гэта ўжо восьмы падобны інцыдэнт з пачатку года. Папярэдні выпадак блакавання працы аэрапорта з-за метэаразондаў быў зафіксаваны ў канцы сакавіка.