У Вілейцы частавалі пірагом-тортам вагой 120 кілаграмаў
- 13.04.2026, 9:56
Яго прыгатавалі да Вялікадня.
На праваслаўны Вялікдзень у храме Святога Ціхана ў Вілейцы прыхаджан і гасцей пачаставалі незвычайнай стравай, паведамляе VileykaNews.
Тут спеклі піраг вагой 120 кілаграмаў.
Не забыліся і ўпрыгожыць пачастунак, размясціўшы на ім цэлую кампазіцыю: анёлы, надпісы, нават знайшлося месца для Зямлі.
Гэтай традыцыі ў Вілейцы ўжо 34 гады. Штогод на Вялікдзень у храме Святога Ціхана пякуць велізарны піраг і частуюць ім усіх ахвотных.