Кандыдаты ад Масквы — лузеры

• Андрэй Ільенка
• 13.04.2026, 15:22

Добрая тэндэнцыя.

Я не ведаю, ці будзе наступная венгерская ўлада сяброўскай да нас. Ці хаця б проста добрасуседскай.

Але ўсё ж такі ёсць асцярожны аптымізм. Так, будучы прэм'ер Венгрыі Пэтэр Мадзяр прыязджаў ва Украіну падчас поўнамаштабнага ўварвання і рабіў сімвалічныя крокі салідарнасці з Украінай. Як будзе далей — пакажа час.

У любым выпадку разгромная параза Орбана — гэта вельмі добра. Хаця б па гэтых відавочных прычынах:

1. Орбан пабудаваў усю сваю кампанію на адкрытай нянавісці да Украіны. І поўнасцю прайграў. Гэта добра хоць бы як хрэстаматыйны прыклад на будучыню для ўсіх падобных украінафобаў у іншых краінах — антыукраінская істэрыя як палітычная тэхналогія не працуе. Хутчэй наадварот.

2. Прайграў не толькі Орбан. Прайграў Пуцін, разам з усімі сваімі грашамі, ботамі, паліттэхнолагамі, ГРУшнікамі, кірыенкамі і таму падобнае.

Нядаўна прамаскоўскі путч на выбарах разбілі Малдова і Румынія. Цяпер — Венгрыя, якая доўгія гады была галоўным саюзнікам Крамля ў Еўропе.

Гэта добрая тэндэнцыя. Кандыдаты ад Масквы — лузеры.

3. Спадзяюся, гісторыя з Орбанам стане падставай сур'ёзна задумацца цяперашняй адміністрацыі ЗША, — ці варта так адкрыта лезці ў замежныя выбары. Хаця не думаю, што высновы будуць зробленыя. Там трыумф за трыумфам.

Але хоць адно ясна — такая падтрымка хутчэй шкодзіць, чым дапамагае.

Нам сваё рабіць. Працягваем далей.

Андрэй Ільенка, «Фэйсбук»