У Калодзічах адразу два ласі пераходзілі вуліцу

• 13.04.2026, 18:18

Відэафакт.

У Калодзічах пад Мінскам адразу два ласі пераходзілі вуліцу і патрапілі на відэа, паведамляе «Калодзічы Інфо».

Запіс зроблены каля аўтобуснага прыпынку Цяпінскага, на аўтадарозе ад Азерышча ў бок Калодзічаў-2.

Рух аўтамабіляў на гэтай дарозе даволі ажыўлены. Але ласі нібыта свядома падабралі момант, калі ўсе машыны праехалі, а аўтар запісу прыпыніўся.

Адзін з каментатараў дадае:

— 4 красавіка а 17-й гадзіне па дарозе ў бок Мінска ў гэтым жа месцы таксама бачыў аднаго лася, які перабягаў дарогу.

Вадзіцелям варта быць максімальна ўважлівымі і выконваць хуткасны рэжым на дарогах, што праходзяць праз лясныя масівы. Тыдзень таму пад Смалявічамі Audi Q7 сутыкнуўся з ласём: пасажыр загінуў, кіроўца трапіў у бальніцу.