Мадзяр заявіў пра неабходнасць пераходу Венгрыі на еўра

• 13.04.2026, 20:01

Новы лідар Венгрыі назваў гэты крок адпаведным інтарэсам краіны.

Кіраўнік апазіцыйнай партыі «Ціса», якая атрымала канстытуцыйную большасць па выніках выбараў у Венгрыі, Петер Мадзяр заявіў, што краіна ўрэшце павінна перайсці на еўра. Пра гэта піша Bloomberg.

Выступаючы перад журналістамі ў Будапешце, Мадзяр паведаміў, што магчымы графік уступлення ў еўразону будзе вызначаны яго ўрадам пасля аналізу эканамічнай сітуацыі. Новы лідар Венгрыі назваў гэты крок адпаведным інтарэсам краіны.