Асноўнік Zara стаў найбуйнейшым уладальнікам нерухомасці ў свеце

• 15.04.2026, 19:55

Амансіа Артэга валодае больш як 200 аб'ектамі нерухомасці ў 13 краінах.

Асноўнік рытэйлера Inditex, у які ўваходзяць Zara, Pull & Bear, Bershka, Oysho, Амансіа Артэга валодае самым дарагім партфелем аб'ектаў нерухомасці ў свеце, паводле разлікаў Forbes. Артэга валодае больш як 200 аб'ектамі нерухомасці ў 13 краінах коштам каля $25 млрд.

Як адзначае Forbes, Артэга валодае нерухомасцю, у прыватнасці, праз інвесткампаніі Pontegadea, Pontegadea GB і Partler. У тройку лідараў па аб'ёме актываў у нерухомасці таксама ўваходзяць аўстраліец Гары Трыгубоф ($23,2 млрд) і амерыканец Дональд Брэн ($19,2 млрд).

Артэге, між іншым, належаць хмарачос Вежа Пікаса ў Мадрыдзе, штаб-кватэра медыягрупы Grupo Planeta ў Барселоне, штаб-кватэра Royal Bank of Canada ў Таронта, асабняк Дэвоншыр-хаўс у Лондане.

Амансіа Артэга, станам на 2026 год, з'яўляецца самым багатым чалавекам Іспаніі. У свеце ён займае дзясятую пазіцыю ў рэйтынгу Forbes з капіталам €124 млрд.