Блізкі прыхільнік Трампа раскрытыкаваў яго

• 20.04.2026, 8:50

З-за сваркі з Папам Рымскім.

Сенатар-рэспубліканец ад Луізіяны Джон Кэнэдзі, які лічыцца даўнім прыхільнікам прэзідэнта ЗША Дональда Трампа, раскрытыкаваў яго канфлікт з Папам Рымскім Львом XIV, назваўшы яго «адцягваючым фактарам», паведамляе (The Guardianhttps://www.theguardian.com/us-news/2026/apr/19/republican-senator-criticizes-trump-pope-feud).

Палітык, які падтрымлівае рух MAGA, асудзіў рэзкую рыторыку Трампа ў адрас пантыфіка і ахарактарызаваў тое, што адбываецца, як «свяшчэнную вайну».

«Я люблю прэзідэнта, як тако. Я не заўсёды з ім згодны, але думаю, што ён хоча лепшага свету. Аднак я не падтрымліваю гэтую новую «свяшчэнную вайну» з Папам», — сказаў Кэнэдзі.

Пры гэтым яго фармулёўка можа выклікаць незадаволенасць у Трампа, паколькі слова taco ягоныя крытыкі выкарыстоўваюць як акронім фразы Trump always chickens out («Трамп заўсёды дае заднюю»).

Сенатар таксама падкрэсліў, што паважае каталіцызм, і адзначыў, што Папа Рымскі мае права на ўласную пазіцыю.

«Навошта мы ўвогуле хочам сварыцца з Папам? Гэта адцягвае ўвагу, а прэса проста ўцягвае гэта, як пыласос Hoover Deluxe», — дадаў ён.

Раней, 12 красавіка, Дональд Трамп на сваёй старонцы ў сацсетцы Truth Social раскрытыкаваў Папу Льва XIV, заявіўшы, што той «слабы ў пытаннях злачыннасці і жахлівы ў знешняй палітыцы».