Рэйтынг Трампа абрынуўся

• 20.04.2026, 9:43

Амерыканцы незадаволеныя вайной з Іранам.

Рэйтынг адабрэння працы прэзідэнта ЗША Дональда Трампа знізіўся да новага мінімуму. Пра гэта паведамляе Sky News.

Паводле апытання, праведзенага з 30 сакавіка па 13 красавіка, дзейнасць Трампа на пасадзе прэзідэнта адобрываюць толькі 37% дарослых амерыканцаў.

Пры гэтым каля паловы рэспандэнтаў заявілі, што катэгарычна не падтрымліваюць яго палітыку, а ў цэлым 63% апытаных выказалі нязгоду з дзеяннямі кіраўніка дзяржавы.

Як адзначаюць аналітыкі, зніжэнне ўзроўню падтрымкі звязана з ростам занепакоенасці грамадзян сітуацыяй вакол вайны з Іранам, а таксама з павелічэннем дзяржаўных выдаткаў.