Расіяне чакаюць высадкі украінскага дэсанту ў Крыме

• 20.04.2026, 17:50

Пляжы паўвострава мінуюць.

Расійскія войскі ў часова акупаваным Крыме праводзяць маштабнае замініраванне ўзбярэжжа і прылеглых акваторый, спрабуючы прадухіліць магчымую высадку украінскага дэсанту. Пра гэта ў каментары журналістам заявіў спікер Сіл абароны паўдня Украіны Уладзіслаў Валошын, піша «Укрінформ».

Па яго словах, расійскія падраздзяленні, у прыватнасці аператыўна-тактычная група «Крым», усталёўваюць мінна-выбуховыя загароды ўздоўж узбярэжжа. Ідзе гаворка пра выкарыстанне як супрацьтанкавых, так і супрацьпяхотных мін.

Акупанты імкнуцца стварыць максімальна шчыльную сістэму абароны на берагавой лініі.

Валошын адзначыў, што замініраванне ахоплівае не толькі пляжы, але і прыбярэжныя воды. Паводле яго слоў, расіяне ўсталёўваюць сотні і нават тысячы мін, дапаўняючы іх драцянымі загародамі.

Такім чынам акупанты фактычна ператвараюць узбярэжжа ў суцэльную зону небяспекі.

Асноўнай мэтай такіх захадаў з'яўляецца страх перад магчымым дэсантам Сіл абароны Украіны.

Расійскія войскі імкнуцца максімальна ўскладніць любыя спробы высадкі на тэрыторыі Крыма.