Расійскі спявак Лоза назваў іншапланецян анёламі-ахоўнікамі плоскай Зямлі

• 20.04.2026, 18:24

Музыкант-канспіролаг прыдумаў чарговую «тэорыю».

Расійскі спявак-канспіролаг Юрый Лоза заявіў, што Зямля — не выпадковы вынік выбуху, а створаная кагосьці сістэма. Ён прытрымліваецца меркавання, што Зямля плоская, з купалам, і ў яе быў Стваральнік, у якога былі памочнікі, што ўдзельнічалі ў працэсе канструявання Сусвету. Менавіта гэтых памочнікаў, паводле яго слоў, у розных традыцыях называюць анёламі-ахоўнікамі.

На думку музыканта, тых, каго лічаць іншапланецянамі, правільней называць «Божымі анёламі» або «Божымі памочнікамі», а не іншапланецянамі, паколькі Зямлю ён не лічыць планетай. Выканаўца таксама адзначыў, што цікавасць да іншапланецян не згасае, бо вера ў істоты па-за Зямлёй — гэта як вера ў анёлаў-ахоўнікаў, уласцівая большасці рэлігій.

«Анёл-ахоўнік — гэта тое, у што верыць большасць насельніцтва Зямлі. На розных мовах, у рамках розных рэлігійных канфесій. Яны лічаць, што ёсць тыя, хто ім дапамагае, і ёсць тыя, хто перашкаджае. Назавіце іх іншапланецянамі», — падсумаваў суразмоўца RTVI.

Як паведамляў Charter97.org, Юрый Лоза таксама не верыць у місію на Месяц NASA.