У Стаўбцоўскім раёне заўважылі «пылавага д'ябла»

• 20.04.2026, 19:36

Відэафакт.

20 красавіка жыхары Стаўбцоўскага раёна заўважылі незвычайную прыродную з'яву — даволі магутны пылавы віхор.

Як патлумачыў Telegram-канал «Метеовайб», пры малааблачным надвор'і сонца добра прагрэла паветра проста ля паверхні зямлі, і цёплыя масы рэзка скіраваліся ўверх. У працэсе ўзнік вярчальны рух: уздымаючыся паток пачаў закручвацца і падхапіў пясок і пыл, сфарміраваўшы высокую рухомую калонну.

Такія віхры ў метэаралогіі называюць «пылавымі д'ябламі». Гэта неафіцыйны, але шырока ўжываны тэрмін: ён з'явіўся з-за вонкавага падабенства віхра з «танцуючай» калоннай пылу і яго раптоўных, амаль «гульлівых» паводзінаў — віхор можа раптам узнікнуць, змяняць кірунак і гэтак жа хутка знікнуць.