Германія плануе запусціць тэрмаядзерны рэактар

• 20.04.2026, 21:14

Пра гэта паведаміў канцлер Мерц.

Канцлер Германіі Фрыдрых Мерц заявіў аб планах ФРГ запусціць тэрмаядзерны рэактар.

Падчас наведвання Ганноверскага кірмашу Мерц сказаў, што ў федэральным урадзе не толькі ўключылі тэрмаядзерную энергетыку ў праграму развіцця высокіх тэхналогій як адну з ключавых тэхналогій, але і ставяць перад сабой амбіцыйную мэту — запусціць у Германіі першы тэрмаядзерны рэактар.

Падчас агляду выставачных стэндаў канцлер азнаёміўся з ключавымі кампанентамі будучай устаноўкі, у тым ліку з тэхналогіямі вытворчасці трыцыю. Ён пацвердзіў, што ўлады Германіі ў доўгатэрміновай перспектыве плануюць будаваць электрастанцыі на аснове тэхналогіі тэрмаядзернага сінтэзу, і заяўляў, што краіна ўжо цяпер уваходзіць у «абсалютную сусветную эліту» ў галіне гэтых даследаванняў.

У студзені Мерц заяўляў, што рашэнне Германіі адмовіцца ад атамнай энергетыкі было сур'ёзнай стратэгічнай памылкай, якую трэба выпраўляць. Паводле яго слоў, энергетычны пераход Германіі стаў самым дарагім сярод усіх краін у свеце.