Сабаленка пачала выступ у Мадрыдзе з перамогі на вачах у зоркі футболу

• 23.04.2026, 19:13

За беларуску хварэў галкіпер мадрыдскага «Рэала».

Першая ракетка свету Арына Сабаленка паспяхова пачала абарону тытула на грунтавым турніры WTA-1000 у Мадрыдзе.

Беларуска абгуляла амерыканку Пэйтан Стірнс (43-і нумар рэйтынгу) з лікам 7:5, 6:3. Паядынак трываў 1 гадзіну 36 хвілін.

Прадстаўніца ЗША аказала фаварытцы годнае супраціўленне. У першай партыі Стірнс была блізкая да тай-брэйка, аднак пры ліку 5:6 не ўтрымала сваю падачу, дазволіўшы беларусцы забраць сет.

У другім сэце пры роўных 3:3 Сабаленка ўзяла чужую падачу пад нуль — гэты момант надламаў амерыканку. Пасля гэтага лідар сусветнага рэйтынгу ўпэўнена выйграла яшчэ два геймы і паставіла кропку ў матчы.

Наступнай суперніцай Сабаленкі ў 1/16 фіналу стане румынка Жаклін Крысціян (33-я ракетка свету). Раней Крысціян у трох сетах зламала супраціў украінкі Юліі Стародубцавай (53-е месца WTA) — 3:6, 7:6 (7:5), 6:4.

На трыбунах за гульнёй назіраў галкіпер мадрыдскага «Рэала» Тыбо Куртуа.

Бельгіец размясціўся не на звычайных гледацкіх месцах, а непасрэдна ў боксе першай ракеткі свету.

Варатар працягвае аднаўленне пасля пашкоджання, але гэта не перашкодзіла яму падтрымаць Сабаленку ў стартавым матчы.

Бельгійскі галкіпер па-за гульнёй з 17 сакавіка, калі атрымаў траўму сцягна.