Ва Украіне каля беларускай мяжы ўзнік лясны пажар

• 23.04.2026, 19:29

У чатырох кіламетрах ад Маларыцкага лясгаса.

На тэрыторыі Украіны каля беларускай мяжы ўзнік верхавы лясны пажар. Яго зафіксавалі ў чатырох кіламетрах ад Маларыцкага лясгаса, паведамляе Міністэрства лясной гаспадаркі Беларусі.

У беларускім ведамстве заявілі, што прадстаўнікі лясной аховы знаходзяцца на месцы і сочаць за развіццём сітуацыі. Паведамляецца, што абстаноўка пакуль пад кантролем, пажар накіроўваецца не ў бок Беларусі.