У Жодзіне дзяўчына патрапіла пад цягнік

• 23.04.2026, 21:48

Ёй было 25 гадоў.

Пад колы цягніка ў Жодзіне трапіла 25-гадовая дзяўчына, паведамілі ў прэс-службе Следчага камітэта.

Трагедыя адбылася ўдзень у чацвер, 23 красавіка.

Следчыя ўстанавілі, што дзяўчына пераходзіла чыгуначныя шляхі перад рухомым саставам.

У СК падкрэслілі, што машыніст заўважыў пешахода: «Прыняў усе магчымыя захады для прадухілення здарэння: неадкладна падаў гукавы сігнал і прымяніў экстрэннае тармажэнне. Нягледзячы на гэта, пазбегнуць наезду не ўдалося».

Следчыя і эксперты правялі агляд месца здарэння, апыталі відавочцаў і прызначылі даследаванні.

Далей праверку правядуць у Жодзінскім гарадскім аддзеле СК. Асаблівую ўвагу нададуць прычынам і ўмовам трагедыі.