Украінскі аператар дрона знішчыў 11 акупантаў адным ударам

• 26.04.2026, 21:41

Мэтай стаў грузавік з расійскімі ваеннымі.

На Гуляйпольскім напрамку пілот памежнага падраздзялення «Фенікс» ліквідаваў адразу 11 расійскіх акупантаў адным FPV-дронам. Пра гэта падраздзяленне паведаміла ў Telegram.

«На Гуляйпольскім напрамку пілот памежнага падраздзялення «Фенікс» заўважыў рух грузавіка, літаральна цалкам набітага асабовым складам праціўніка. Не доўга разважаючы, ён накіраваў свой дрон проста ў «тлустую» мэту. І атрымаў ледзь не рэкордны вынік — 11 знішчаных акупантаў і спалены грузавік», — гаворыцца ў паведамленні.

Ваенныя адзначылі, што на ўсіх напрамках, дзе працуюць іх пілоты, Сілы абароны дэманструюць выдатны вынік.

«На рэгулярнай аснове мы выяўляем рух і спыняем праціўніка, знаходзім варожую артылерыю і ператвараем яе ў металалом, пераразаем лагістычныя шляхі ворага», — дадалі ў падраздзяленні «Фенікс».