У Беларусі вецер разгоніцца да 24 м/с

• 27.04.2026, 8:08

Не выключаецца падзенне дрэў.

У першы дзень новага працоўнага тыдня непагода вырашыла не адступаць. Сіноптыкі Белгідрамета абвясцілі аранжавы ўзровень небяспекі. Прычына — моцны вецер.

Што абяцаюць

У панядзелак, 27 красавіка, парывы ветру будуць разганяцца да 15–20 метраў у секунду. У асобных раёнах — і ўвогуле да 24 м/с.

У МНС пералічылі асноўныя рызыкі:

могуць пацярпець лініі сувязі і электраперадач;

магчымыя адключэнні падстанцый і цэлых населеных пунктаў;

ёсць рызыка пашкоджання або абрушэння слаба ўмацаваных канструкцый і дахаў;

не выключаецца падзенне дрэў.