Адзін з энергаблокаў БелАЭС адключаны

• 27.04.2026, 9:50

Нібыта з-за прафілактычных работ.

Першы энергаблок Беларускай атамнай электрастанцыі 27 красавіка адключылі ад сеткі.

Пра гэта праінфармавала прэс-служба прадпрыемства.

Адключэнне энергаблока №1 часовае. Гэта зрабілі ў сувязі з неабходнасцю правесці прафілактычныя работы на абсталяванні. Як падкрэслілі на БелАЭС, такія меры патрэбныя для забеспячэння надзейнай эксплуатацыі энергаблока.

Разам з тым адзначаецца, што радыяцыйны фон у раёне станцыі застаецца без змяненняў.