EBay перастаў адкрывацца ў Беларусі

• 27.04.2026, 11:45

Карыстальнікі скардзяцца на збоі.

Вядомы амерыканскі маркетплейс eBay сутыкнуўся з тэхнічнымі непаладкамі і перастаў адкрывацца ў Беларусі, а таксама, відаць, у шэрагу іншых краін. Паведамляецца, што колькасць скаргаў пачала рэзка павялічвацца увечары ў нядзелю, 26 красавіка, і да першай паловы панядзелка сітуацыя не палепшылася.

Пры спробе зайсці на сайт з Беларусі з’яўляецца памылка «Доступ забаронены».

Некаторыя карыстальнікі, у якіх маркетплейс адкрываецца, паведамляюць, што пошук не працуе, а старонкі загружаюцца павольна.

Таксама выданне Daily Jang заяўляе, што прычынай можа быць DDoS-атака, адказнасць за якую, паводле паведамленняў, узяла на сябе група хактывістаў 313 Team.