Польшча будуе «армаду дронаў»

• 27.04.2026, 13:43

Варшава абапіраецца на досвед Украіны.

Варшава стварае маштабны флот беспілотнікаў, абапіраючыся на баявы досвед Украіны.

Пра гэта, як піша The Guardian, заявіў прэм’ер-міністр Польшчы Дональд Туск падчас канферэнцыі ў Жэшуве, прысвечанай аднаўленню Украіны.

Паводле ягоных слоў, цяперашняя сітуацыя ў рэгіёне і свеце застаецца нестабільнай, таму надзвычай важна мець магчымасць хутка рэагаваць на патэнцыйныя пагрозы і правакацыі.

Туск падкрэсліў, што Польшча мае намер стварыць «армаду беспілотнікаў», выкарыстоўваючы ў якасці асновы тэхнічны і практычны досвед, атрыманы Украінай падчас вайны.

Ён таксама адзначыў, што адна з ключавых мэт — дасягнуць тэхналагічнага рыўка, каб у бліжэйшай будучыні Украіна, Польшча і ўся Еўропа былі лепш абароненыя ад паветраных атак.