Эксперт растлумачыў, як украінскія дроны даляцелі да Урала

• 27.04.2026, 14:20

Расійская СПА правалілася.

СССР у свой час стварыў вялікія вытворчыя магутнасці на Урале, паколькі быў упэўнены ў яго бяспецы. Пра гэта распавёў Анатоль Храпчынскі, дырэктар па развіцці абароннага прадпрыемства, афіцэр ВПС у запасе, у эфіры Radio NV, каментуючы атаку ўкраінскіх БПЛА на рэгіён.

«Падчас Другой сусветнай вайны ніводзін сродак паражэння не далятаў да такой глыбіні, таму ўсе вытворчыя магутнасці Савецкага Саюза размяшчаліся на такой глыбіні. Калі мы гаворым, напрыклад, пра тэхналагічныя магчымасці, то падчас Другой сусветнай вайны не было такіх сродкаў паражэння, якія могуць ляцець на 3000 км. Але і ў Украіны на пачатак паўнамаштабнай вайны такіх сродкаў таксама не было. Нашы заходнія партнёры і дасюль не даюць нам магчымасці выкарыстоўваць такую зброю і не даюць нам такой зброі. То бок гэта ўкраінская распрацоўка», — распавёў Храпчынскі.

Ён дадаў, што для пераадолення такіх адлегласцяў беспілотніку неабходныя сучасныя тэхналагічныя рашэнні, у прыватнасці надзейная навігацыя і ўстойлівасць да сродкаў радыёэлектроннай барацьбы.

«Трэці элемент — гэта адсутнасць расійскай супрацьпаветранай абароны (СПА) на такой глыбіні. Гэта дапамагае нам вырашаць такія складаныя задачы. Хутчэй за ўсё, гэта звязана з тым, што большасць расійскіх сістэм супрацьпаветранай абароны былі перадыслакаваныя або ў Маскоўскі рэгіён, або бліжэй да прыфрантавых ліній, або на часова акупаваную тэрыторыю Украіны», — дадаў Храпчынскі.