У Расіі пры загадкавых абставінах загінуў яшчэ адзін топ-менеджар

• 27.04.2026, 15:32

20-ы з пачатку вайны.

Шэраг смерцяў топ-менеджараў і бізнесменаў, што ахапіў Расію неўзабаве пасля пачатку вайны з Украінай, працягваецца, піша The Moscow Times.

Пад Валгаградам падчас рыбалкі на Волзе патануў 42-гадовы Сяргей Лойтэр, які з 2022 па 2024 год займаў пасаду камерцыйнага дырэктара «Яндэкса», а ў апошнія два гады працаваў у «Yango» — міжнародным падраздзяленні расійскага інтэрнэт-гіганта.

Як паведамляе V1.ru са спасылкай на крыніцы, цела Лойтэра ідэнтыфікавалі сярод трох загінулых рыбакоў, пра знікненне якіх стала вядома напрыканцы мінулага тыдня. Разам з Лойтэрам патанулі валгаградскі забудоўшчык Сяргей Назараў (яго цела дагэтуль не знойдзена), а таксама асабісты кіроўца бізнесмена Ігар Прахораў.

Цела Прахорава выявілі першым. «У загінулага выявілі траўмы на галаве. Папярэдне яны альбо перакуліліся, альбо аб нешта ўдарыліся», — расказаў крыніца V1.ru.

Лойтэр стаў, як мінімум, 20-м топ-менеджарам, які загінуў у Расіі пры загадкавых абставінах пасля пачатку вайны.