Колькі беларусаў жыве ў Грузіі

• 27.04.2026, 18:29

Лічба нямаленькая.

І Грузія даўно стала другім домам для многіх грамадзян Беларусі. Паводле афіцыйнай статыстыкі, у 2022 годзе ў гэтую краіну пераехалі больш за 108 тыс. чалавек з Расіі, Украіны і Беларусі.

З іх — 11,3 тыс. беларусаў. Не так шмат, як расіян або ўкраінцаў, але ўсё адно гэта ўнушальны прыток для невялікай Грузіі.

Пасля першапачатковага наплыву 12,5 тыс. нашых суайчыннікаў у 2022 годзе колькасць беларусаў у Грузіі няўхільна ідзе на спад.

Так, да 2025-га іх стала на 127 чалавек менш. Для параўнання: расіян цяпер — 72,5 тыс., украінцаў — 24,4 тыс. У цэлым жа грамадзяне згаданых трох краін ужо складаюць 2,6% усяго насельніцтва Грузіі.

Цікавая дэталь: мясцовыя жыхары ў рэспубліцы выміраюць. Прыродны прырост у Грузіі адмоўны: смяротнасць перавышае нараджальнасць амаль на 32 тыс. чалавек.

Тым не менш агульная колькасць насельніцтва там вырасла да 3,9 млн. Пераважна за кошт прыезджых з Расіі, Украіны і Беларусі.

Большасць замежнікаў, уключаючы беларусаў, выбірае для жыцця Тбілісі і Батумі. І гэта невыпадкова: грамадзяне Беларусі, Расіі, Украіны, ЗША і краін ЕС могуць знаходзіцца ў Грузіі без візы і рэгістрацыі цэлы год.

А калі затрымацца на паўгода (хаця б на 183 дні за апошнія шэсць месяцаў), можна афармляць від на жыхарства.