Чартары на «егіпецкія Мальдывы» зноў запускаюцца з Мінска

• 27.04.2026, 19:10

Пералёты будуць выконвацца на Boeing 737-800.

Чартарная праграма з Мінска ў егіпецкі Эль-Аламейн стартуе ў аўторак, 28 красавіка.

Пра гэта паведамілі ў Рэспубліканскім саюзе турыстычных арганізацый (РСТО).

Рэйсы на Міжземнаморскае ўзбярэжжа Егіпта арганізуе Belavia разам з адным з тураператараў.

Гэта ўжо трэці сезон прамых чартарных рэйсаў з беларускай сталіцы.

Чарговы запуск праграмы сведчыць пра стабільны попыт і высокую папулярнасць гэтага накірунку ў кліентаў, адзначылі ў РСТО.

Што да тураў, яны разлічаныя на 10/11 начэй. Накірунак прываблівае тым, што там можна адпачыць на беласнежных пляжах з лазорнаю вадою, якія нагадваюць Мальдывы.

Акрамя таго, маршрут адрозніваецца зразумелай лагістыкай. Пералёты будуць выконвацца на Boeing 737-800.