Анджэй Пачобут сустрэўся з жонкай

• 29.04.2026, 10:27

Цяпер ён знаходзіцца ў бальніцы.

Экс-палітвязень, журналіст, лідар Саюза палякаў у Беларусі Анджэй Пачобут сустрэўся з жонкай. Аксана Пачобут апублікавала фота з бальніцы, дзе цяпер Анджэй праходзіць абследаванне.

«Раніца ў варшаўскай бальніцы. Найлепшая з усіх магчымых раніц», – напісала яна.

Нагадаем, Анджэй Пачобут выйшаў на волю ў выніку абмену на беларуска-польскай мяжы паводле формулы «пяць на пяць».

У лютым 2023 года суд у Гродне прысудзіў Анджэя Пачобута да 8 гадоў калоніі па артыкулах аб распальванні варожасці (частка 3 артыкула 130 КК) і закліках да дзеянняў, накіраваных на прычыненне шкоды нацыянальнай бяспецы (артыкул 361-3 КК).

Яго некалькі разоў змяшчалі ў ПКТ у Наваполацкай калоніі. У зняволенні ён моцна схуднеў, перанёс аперацыю па выдаленні язваў на скуры. У кастрычніку 2025 года ён завочна атрымаў Прэмію Сахарава, у лістападзе ён атрымаў найвышэйшую ўзнагароду Польшчы — ордэн Белага Арла.

У 2024 годзе Анджэй Пачобут стаў ганаровым грамадзянінам Варшавы.