Байцы ГУР разграмілі буйную групу «кадыраўцаў»

• 29.04.2026, 14:01

Гэта самыя вялікія страты «Ахмата» з 2022 года.

Падраздзяленні Сіл абароны Украіны, у склад якіх уваходзяць ваяры вольнай Ічкерыі, разграмілі найбуйнейшую з 2022 года групу падраздзялення Расгвардыі «Ахмат». Пра гэта паведамілі у прэс-службе Галоўнага ўпраўлення разведкі Міністэрства абароны Украіны.

Ідзе пра тое, што байцы спецпадраздзялення ГУР «Шаманбат», у склад якога ўваходзяць ваяры вольнай Ічкерыі, разам з 104-й брыгадай ТрО «Горынь» ва ўзаемадзеянні з падраздзяленнем агентурных аперацый ГУР знішчылі чарговую групу наймітаў падраздзялення Расгвардыі «Ахмат».

«Ударамі дронаў і артылерыі разведчыкі знішчылі варожы транспарт і браняваную тэхніку і нанеслі кадыраўцам самыя вялікія страты ў жывой сіле з пачатку поўнамаштабнай агрэсіі Расіі», – заявілі ў ГУР.

Падрабязнасці ўнікальнай аперацыі па разгроме «ахматаўцаў» разведчыкі абяцаюць абнародаваць у найбліжэйшыя дні. Згодна з кароткім анансам, ідзе, верагодна, пра не менш як чатыры дзесяткі загінулых і 80 параненых.